Ang agrikultura ay isang mahalagang sektor na may kinalaman sa sangkatauhan ukol sa  pangangailangan  natin  sa pagkain ngayon at sa darating pang panahon, kung saan  nanganganib  din  ito dahil sa climate change  at  pagdami ng tao  sa mundo,  at kung hindi  ito natutugunan  ay   nakakabahala  ang ating kinabukasan.

 

Ang IGAMA Colleges Foundation, Inc. ay naglunsad ng isang simulain na AKO Pasimula o FIRST INITIATIVE Program kung saan  manghihikayat  sa  mga  kabataan  ngayon  na  pasimulan  at pagtuunan  ng  pansin  ang  ukol  sa pagtatanim o pagsasaka  sa  iba’t - ibang aspeto at pamamaraan para ang henerasyon ngayon  pa  lamang  ay  magkakaroon na  ng kabatiran,  kaalaman at kaisipang  tugunan ang problema  ng  mundo ukol sa  ating  kakainin at pangangailangan sa darating na panahon.

 

Kaya ang PIGLAS Integrated Farm  ay aming inimumungkahi at itinatatag para magkaroon ng  sagot  sa  sambahayan natin, na  ating kakanin sa hapag kainan. Ang PIGLAS ay  dagliang   kilos,   mabilisang   aksyon  o  tugon na may magandang produkto  at  pasimulan  ang  gawain  na  may  mataas  na  pagkilala  o kaalaman na  tugunan   ang   suliranin   ukol   sa  pagsasaka  at  produksyon  ng pagkain sa pamamagitan   ng  iba’t-ibang  kasanayan  o   kaalaman na ibabahagi  sa  mga  nagnanais   baguhin   ang nakagisnan na at gisingin ang kamalayan upang sagutin ang suliranin  sa  pagkain  at  makiisa  sa adhikain  ng   pamahalaan  na  pangarap ng kasalukuyang  pangulo, Pangulong  Ferdinand R. Marcos , Jr., sa kaniyang pangarap sa Pilipinas na ating bayan, kung saan  ang Kagawaran   ng  Agrikultura  na  kanyang hinahawakan ay upang iangat ang buhay  ng  mamamayang pilipino  at magkaroon ng sapat  na  pagkain  at abot-kayang presyo sa hinaharap na panahon.

 

Naniniwala  kami na  makakaahon at makakagawa ng magandang resulta sa kapakanan ng mamamayan  at maramdaman  ang ginhawa ng buhay sa darating.  Sa pamamagitan ng maayos na pamamahala at pagbibigay ng tuon sa paraan ng pagsasaka sa moderno at syentipikong antas ng aplikasyon ay magtatagumpay tayo, susulong tayo at maalwan na buhay ang  ating makakamit kung ano “Ang itatanim natin ngayon, ay siyang aanihin natin bukas”.